Kwa mujibu wa ripoti ya  Shirika la Habari la Hawza, Ayatollah Agha Najafi Q'uchani katika mojawapo ya kumbukumbu zake amenukuu hivi:

Nilipokuwa nikienda katika darsa ya Akhund Khorasani, marafiki walinisisitiza sana kwamba nipeleke maandishi yangu kwa Akhund.

Mimi nilikuwa nikisema: "Anae onesha maandishi yake ni yule anayehitaji ama pesa au idhini (ya ijtihadi), nami sihitaji chochote kati ya hivyo."

Kwa sababu, iwapo riziki yangu iko mikononi mwa Akhund, yeye mwenyewe ataona kuwa ni wajibu kwake kunifikishia.

Siku moja nikiwa sina pesa, mtumishi wa Akhund alikuja chumbani kwangu na kwa kisingizio cha kuchukua feni, kisha akaacha fedha kwenye meza.

Nikamuuliza: "Hii ni nini?"

Akasema: "Mimi sijui. Akhund amesema nikufikishie bila ya mtu yeyote kujua."

Kadhalika, hata pale ambapo Akhund alinipa cheti cha ijtihadi, mimi sikuwa nimeliomba.

Siku moja, sehemu fulani katika juzuu za "Kifayah" nilikuwa nimefanya marekebisho na kisha kuwapa watu fulani wapeleke kwa siri kwenda kwa Akhund, ili ikiwa ni sahihi aipitishe, na ikiwa kuna kasoro aniambie.

Lakini marafiki walipompelekea juzuu hizo, watu waliomzunguka Akhund walimtambua, na hivyo Akhund akatoa ruhusa.

Chanzo: Kitabu "Sayahat-e Sharq", ukurasa wa 372.